Një 23-vjeçar i identifikuar si Kei Piu ka mbetur i plagosur me armë zjarri pak pas mesnatës së sotme në qytetin e Elbasanit.
Burime bëjnë me dije për Faxweb.al se i riu ka marrë dy plumba në pjesën e barkut, por fatmirësisht ndodhet jashtë rrezikut për jetën. Dyshimet janë se i riu është qëlluar pas njb debati që ka pasur me autorët.
Grupi hetimor vijon punën për zbardhjen dhe sqarimin e rrethanave të ngjarjes, identifikimin dhe kapjen e autorëve, për të cilët ka ngritur disa pika kontrolli.
Njoftimi i policisë:
Rreth orës 01:15, në lagjen “Kongresi i Elbasanit”, Elbasan, është qëlluar me armë zjarri në drejtim të shtetasit K. P., 23 vjeç, banues në Elbasan, i cili si pasojë është plagosur dhe ndodhet jashtë rrezikut për jetën.
Grupi hetimor vijon punën për zbardhjen dhe sqarimin e rrethanave të ngjarjes, identifikimin dhe kapjen e autorëve.
Njëkohësisht vijon administrimi i çdo prove sado të vlefshme që çon në zbardhjen e ngjarjes.
Shërbimet e Policisë kanë shoqëruar disa persona për sqarimin e rrethanave të ngjarjes.
Vijon krehja e zonës dhe nga veprimet e para hetimore ka rezultuar se nuk ka pasur shkëmbim me armë zjarri mes palëve.
