Policia jep informacion për atentatin në Tepelenë: Nisen specialistët nga Tirana

Policia e Tepelenës ka reaguar për ngjarjen e rëndë që ka ndodhur mbrëmjen e sotme ku nga një atentat ndaj dy vëllezërve, njëri mbeti i vdekur ndërsa tjetri ndodhet në Spitalin e Gjirokastrës jashtë rrezikut për jetën.

Sipas Policisë, ngjarja ka ndodhur në dalje të qytetit të Tepelenës , në rrethana ende të paqarta ndërsa Faxëeb.al ashtu sikurse raportoi më herët mëson se është vrarë Arturo Bresho 46-vjeç si dhe është plagosur vëllai i tij, Artan Bresho 43-vjeç.

Policia njofton se në ndihmë të Grupit të posaçëm hetimor janë nisur menjëherë edhe një grup specialistësh të Departamentit të Policisë Kriminale në Policinë e Shtetit.

Në akset rrugore nacionale dhe ato rurale që lidhen ne qytetin e Tepelenës Policia ka ngritur menjëherë pika kontrolli. Forca të shumta të Policisë Tepelenë dhe të D.V.P. Gjirokastër po bëjnë krehjen e zonës me qëllim kapjen e autorit/ve.

Tepelenë/Informacion paraprak.

Në dalje të qytetit të Tepelenës, në rrethana ende të paqarta është vrarë me armë zjarri shtetasi A.B., rreth 47 vjeç, si dhe është plagosur në këmbë vëllai i tij, shtetasi A.B., rreth 43 vjeç, i cili ndodhet në spital jashtë rrezikut për jetën.

Menjëherë është ngritur një grup i posaçëm hetimor nga DVP Gjirokastër dhe nën drejtimin e Prokurorisë po vijojnë punën për zbardhjen e rrethanave të ngjarjes, identifikimin dhe kapjen ne autorëve

Në ndihmë të Grupit të posaçëm hetimor janë nisur menjëherë edhe një grup specialistësh të Departamentit të Policisë Kriminale në Policinë e Shtetit.

Në akset rrugore nacionale dhe ato rurale që lidhen ne qytetin e Tepelenës Policia ka ngritur menjëherë pika kontrolli

Forca të shumta të Policisë Tepelenë dhe të D.V.P. Gjirokastër po bëjnë krehjen e zonës me qëllim kapjen e autorit/ve.

(F.GJ/FAXWEB.AL)