Pak minuta më parë, forca të shumta të policisë si dhe Forcat Speciale të Tiranës kanë mbërritur në Krujë ku po bëjnë kontrolle në banesat e dy të dyshuarve si autor të grabitjes së 9 prillit në Rinas.
Mësohet se si shenjestër i këtij operacioni blic të policisë, janë banesat e Elton Piklit në lagjen Abazë të Krujës por dhe në dyqanin ku ai punonte si kasap në qendër të këtij qyteti si dhe të Oltion Veselit në lagjen Çitoze të Krujës.
Gjithashtu kontrolle janë ushtruar dhe në disa banesa të disa personave të dyshyar.
Për kontrollin e banesave dhe ambjenteve janë përdorur edhe qen por dhe metal detektor.
Nuk dihet nëse janë gjetur sende, para apo prova të tjera gjatë ketij kontrolli blic dhe të imtësishëm.
Kujtojmë se 32- vjeçari Elton Pikli, u arrestua mbrëmjen e 22 prillit, mësohet se Pikli punonte si kasap në qytetin e Krujës. I dyshuar si bashkëpuntor i grabitjes së aeroportit “Nënë Tereza” në Rinas.
Ndërkohë që sipas informacioneve Pikli ka qënë i shpallur në kërkim më herët për një çështje falsifikimi dokumentash. Ai është arrestuar nga Policia e Shtetit në Qafë-Thanë, duke tentuar të largohej drejtë Bullgarisë (lexo këtu).
I dyshuari tjetër Oltion Veseli është kushëriri i Ernest Kupës, i dënuar nga gjykata për grabitjen e armatosur të blindave përgjatë aksit Tiranë-Rinas, edhe dy të rinjtë e tjerë njihen si krahu i Klement Çalës, njeriut që po sfidon autoritetet e gjithashtu njeriut të shumë kërkuar edhe nga Greqia, pas arratisjes se bashku me 7 shqiptarë të tjerë mes të cilëve ishte edhe Admir Murataj.
(F.GJ/FAXWEB.AL)
Discussion about this post