Një tjetër sasi droge është kapur këtë të enjte në një konteiner të ”Alba Exotic Fruits” në Portin e Durrësit.
Blutë e Durrësit bëjnë me dije se në vijim të operacionit “Rada” të nisur më datë 13.07.2021, në Portin e Durrësit, pasditen e sotme si rezultat i veprimeve hetimore, është bërë e mundur gjetja dhe sekuestrimi i një tjetër sasie lëndë narkotike kokainë.
Gjatë kontrollit të imtësishëm të ushtruar nga Task Forca permanente në disa kontenierë për llogari të kompanisë “Alba Exotic Fruit”, u gjet dhe u sekuestrua 7.25 kilogramë lëndë narkotike e dyshuar kokainë.
Kjo është hera e tretë brenda muajit korrik që kësaj kompanie me seli në Tiranë i kapet në konteiner drogë.
Kujtojmë se hera e parë ishte më 13 korrik, kur u sekuestrua edhe sasia më e madhe e lëndës narkotike, përkatësisht 11 kg e 675 gramë. Hera e dytë ishte më 23 korrik, ku u gjetën dhe u sekuestruan 6.5 kg të tjera dhe tashmë më 29 korrik.
Për trafikun e lëndëve narkotike policia e Durrësit ka arrestuar Bajron Gumenin, menaxheri i firmës pritëse, teksa Gjykata e Durrësit ka vendosur masën e sigurisë personale “Arrest me burg”, ndërsa është shpallur në kërkim shtetasi Eduart Dauti, 50 vjeç, administratori i firmës.
Njoftimi i policise:
Port, Durrës
Vijon operacioni policor i koduar “Rada”, për goditjen e veprimtarisë kriminale në fushën trafikimit të lëndëve narkotike.
Sekuestrohet një tjetër sasi lëndë narkotike kokaine, në kontenierët për llogari kompanisë “Alba Exotic Fruit”.
Në vijim të operacionit “Rada” të nisur më datë 13.07.2021, në Portin e Durrësit, ku nga Task Forca permanente e përbërë nga Policia Kufitare, Strukturat Hetimore të Drejtorisë Vendore të Policisë Durrës dhe autoritetet doganore të Portit u gjetën dhe u sekuestruan 11 kg e 675 gr. lëndë narkotike kokainë, e duke vijuar përsëri në datën 23.07.2021, ku u gjetën dhe sekuestruan 6.5 kilogramë të tjera lëndë narkotike kokainë, mbaditen e sotme si rezultat i veprimeve hetimore, është bërë e mundur gjetja dhe sekuestrimi i një tjetër sasie lëndë narkotike kokainë
Gjatë kontrollit të imtësishëm të ushtruar nga Task Forca permanente që vepron në Portin e Durrësit në disa kontenierë për llogari të kompanisë “Alba Exotic Fruit”, u gjet dhe u sekuestrua 7.25 kilogramë lëndë narkotike e dyshuar kokainë.
Taks Forca permanente që operon në Portin e Durrësit vijon veprimet hetimore për dokumentinin e plotë të veprimtarisë kriminale të trafikimit të kokainës.
(E.H/Faxweb.al)
