Policia e Sarandës ka sekuestruar 17 kg lëndë narkotike e dyshuar si Cannabis Sattiva dhe ka vënë në pranga 2 persona, ndërsa 2 të tjerë janë shpallur në kërkim.
Janë arrestuar shtetasit: Agron Prenga, 26 vjeç dhe Mariglen Hysenaj, 24 vjeç, të dy banues në Sarandë.
Policia bëri të mundur bllokimin e dy automjeteve në lagjen nr.1 Sarandë dhe arrestimin e dy prej autorëve, pasi dy shtetas të tjerë në momentin e ndërhyrjes në flagrancë nga policia, janë larguar me shpejtësi nëpër rrugicat e qytetit.
Nga kontrolli i ushtruar në mjetin tip “Benz-ML” me targë AA 371 ML, u konstatua një sasi me lëndë narkotike me peshë prej 17 kg e dyshuar Cannabis Sattiva, 16 pako, të futura në një çantë sportive në bagazhin e këtij mjeti.
Në këtë mjet, policia bëri arrestimin në flagrancë të shtetasit Mariglen Hysenaj, si dhe ka shpallur në kërkim drejtuesin e këtij mjeti, shtetasin K.L., 29 vjeç.
Gjithashtu, në mjetin tjetër tip “Benz C-Clas”, me targë AA 109 IL, policia ka arrestuar në flagrancë drejtuesin e këtij mjeti, shtetasin Agron Prenga, si dhe ka shpallur në kërkim pasagjerin tjetër në këtë mjet, shtetasin grek A.E., 31 vjeç.
Dyshohet se autorët kishin për qëllim të trafikonin lëndën narkotike drejt Greqisë. (M.D/ Shuplaka)
[ngg_images source=”galleries” container_ids=”1567″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″](m.k
Discussion about this post