Policia në gadishmëri, masa drastike për ndeshjen Shqipëri-Bosnjë Hercegovinë

Pak ditë përpara ndeshjes Shqipëri-Bosnjë Hercegovinë, Policia e Elbasanit njofton se së do të ndërmarrë masa të rrepta sigurie.

Mësohet se nuk do të lejohet parkimi rreth dhe përballë stadiumit. Lëvizja e mjeteve do të lejohet në bulevardin “Qemal Stafa”, ndërkohë që e  hapur do të jetë rruga nga ish-konservimi 5 Maji. Policia lajmëron se hyrja e tifozëve në orën 16:00. Ndeshja do të zhvillohet të martën e 28-marsit.

NJOFTIMI

Policia e Elbasanit ka marrë masa për zhvillimin e ndeshjes midis Shqipërisë dhe Bosnjë e Hercegovinës, e cila pritet të luhet të martën në orën18:00, në Stadiumin “Elbasan Arena”.

Sa me sipër , në orën 16:00, të datës 28.03.2017, ju bëjmë me dije se:

Ø Nuk do të lejohet parkimi i automjeteve përreth dhe përballë stadiumit

Ø Lëvizja e mjeteve do të lejohet në Bulevardin “Qemal Stafa”, që fillon nga Posta deri në dalje në unazë

Ø Gjithashtu e hapur do të jetë nga “ish-konservimi” – “5 Maj”, e cila do të shfrytëzohet për emergjencat që mund të lindin gjatë zhvillimit të këtij aktiviteti.

Bëjmë me dije se hyrja e sportëdashësve do të fillojë në orën 16:00 me qëllim shmangien e radhëve të gjata në hyrje për në Stadium.

Lidhur me ndeshjen do të angazhohen 280 punonjës policie nga Drejtoria Vendore e Policisë Elbasan, Komisaraitet vartëse të saj dhe nga FNSH-ja

Të gjithë sportëdashësit që do të marrin pjesë në këtë aktivitet, të jenë të pajisur me biletë dhe me kartë identiteti dhe të mos kenë me vete:

a) sende të forta,

b) shishe (të cfarëdolloji)

c) fishekzjarre

d) monedha apo metale (të cfarëdolloji)

e) çelësa të ndryshëm
Në të kundert NUK do të lejohen të futen në stadium.

Në hyrje të stadiumit do të kontrrollohen të sportëdashësit.

Të gjitha lokalet që ndodhen, përreth Stadiumit, nga ora 15:00 dhe deri në përfundim të ndeshjes do të jenë të mbyllura.

Drejtoria Vendore e Policisë Elbasan i kërkon qytetarëve që të minimizojnë më datë 28 ,ars 2017, lëvizjen e tyre me automjet brënda qytetit të Elbasanit, c’ka do të sillte një ndihmesë të madhe në zhvillimin sa më normal të këtij aktiviteti. (D.D/Shuplaka)