Policia ka ngritur pika kontrolli të shumta për kapjen e autorëve të dyshuar që tentuan të vidhnin banesën në fshatin Prush te Tiranës.
Burime jo zyrtare bëjnë me dije se policia është në ndjekje të një makine Audi ngjyrë e bardhë me targa: AA 943 SG.
Sipas informacioneve paraprake mjeti është larguar në drejtim të Liqenit të Thatë. Në këtë zonë ka forca të shumta policie, si forca shqiponja por edhe ata të ndërhyrjes së shpejtë.
Mbrëmjen e sotme në Prush, disa persona ende të paidentifikuar kanë tentuar të vjedhin një banesë. Menjëherë u njoftua policia, e cila erdhi në kohë. Sapo panë forcat e policisë, grabitësit qëlluan me armë zjarri në drejtim të tyre. Nga ana tjetër edhe policia u kundërpërgjigj. Sakaq autorët u larguan dhe policia u vu në ndjekje të tyre.
Discussion about this post