Një ngjarje e rrezikshme është parandaluar nga ndërhyrja në kohë e Policisë në fshatin Theth, Shkodër, ku një konflikt mes disa shtetasve ka degjeneruar deri në përdorimin e armës së zjarrit.
Sipas njoftimit zyrtar, 33-vjeçari Alfred Rrupa, banues në Theth, ka qëlluar me armë zjarri pistoletë në drejtim të një automjeti me të cilin udhëtonin 3 shtetas, për motive të dobëta. Për pasojë, në automjet janë shkaktuar vetëm dëme materiale.
Menjëherë pas këtij veprimi, 3 shtetasit që ndodheshin në automjet – N. H., 29 vjeç, P. H., 27 vjeç dhe D. Rr., 29 vjeç – kanë ushtruar dhunë fizike ndaj autorit të dyshuar të të shtënave.
Si rezultat i veprimeve të shpejta hetimore dhe operacionale:
-
u arrestua në flagrancë autori i dyshuar Alfred Rrupa, 33 vjeç;
-
u proceduan penalisht në gjendje të lirë 3 shtetasit e përfshirë në konflikt, për ushtrim dhune.
Nga vendngjarja u sekuestrua edhe arma e zjarrit pistoletë, së bashku me municion luftarak.
Materialet procedurale i janë referuar Prokurorisë së Shkodrës për veprime të mëtejshme.
