Protesta e opozitës ditën e djeshme është shoqëruar edhe me disa procedime nga ana e policisë. Përveç të gjithë deputetëve që ishin të hënën udhëheqës të bllokimit të 5 akseve për 60 minuta, policia do të procedojë penalisht edhe kreun e Partisë Demokratike, Lulzim Basha.
Sipas uniformave blu, pasi janë kryer të gjitha veprimet e para hetimore e proceduriale, materialet do t’i referohen prokurorisë për veprën penale “organizim dhe pjesëmarrje në grumbullime dhe manifestime të paligjshme” dhe “pengim të qarkullimit të mjeteve të transportit”.
Kujtojmë se Policia e Shtetit dhe Partia Demokratike u përfshinë në replika mes tyre për organizimin e kësaj proteste. Policia shkoi deri aty sa i kërkoi qytetarëve që të mos merrnin pjesë në protesta pasi mund të kishte dhe incidente.
Nga ana e saj protesta u mbyll paqësisht dhe qytetarët e mbledhur lejuan qarkullimin e mjeteve ashtu siç ishte parashikuar në orën 12;00. (E.K/SHUPLAKA)
