Policia Rrugore e Elbasanit ka shtuar kontrollet dhe monitorimin me mjete bashkëkohore, me qëllim parandalimin e aksidenteve dhe garantimin e sigurisë rrugore. Gjatë muajit mars, qindra drejtues mjetesh janë ndëshkuar për shkelje të ndryshme, ndërsa disa të tjerë janë proceduar penalisht për drejtim të automjetit në mënyrë të parregullt.
Shifrat e publikuara nga policia tregojnë një numër të lartë të shkeljeve, ku kryesojnë tejkalimi i shpejtësisë, përdorimi i celularit gjatë drejtimit të mjetit dhe parakalimet e gabuara. Paralelisht, janë marrë masa ndaj drejtuesve që kanë konsumuar alkool, nuk kanë vendosur rripin e sigurimit apo kanë ndaluar mjetin në mënyrë të gabuar.
Elbasan
Policia Rrugore e Elbasanit ka intensifikuar kontrollet dhe monitorimin me mjete bashkëkohore, me objektiv parandalimin e aksidenteve dhe përmbushjen e parametrave të sigurisë rrugore.
Gjatë muajit Mars, janë arrestuar 23 drejtues mjetesh dhe janë proceduar penalisht 4 të tjerë, për veprat penale “Drejtimi i mjeteve në mënyrë të parregullt” dhe “Shkelja e rregullave të qarkullimit rrugor”.
Më tej, gjatë kësaj periudhe:
janë ndëshkuar administrativisht 135 drejtues mjetesh, për drejtim të mjetit pas përdorimit të pijeve alkoolike;
janë ndëshkuar 481 drejtues mjetesh, për përdorim të celularit gjatë drejtimit të mjetit;
janë ndëshkuar 1224 drejtues mjetesh, për parakalime të gabuara;
janë ndëshkuar 174 drejtues motomjetesh, për mosvendosje të kaskës mbrojtëse;
janë ndëshkuar 965 drejtues mjetesh, për mosvendosje të rripit të sigurimit;
janë ndëshkuar 1962 drejtues mjetesh, për shpejtësi mbi normat e lejuara;
janë ndëshkuar 451 drejtues automjetesh, për ndalim ose pushim të automjetit në kundërshtim me sinjalistikën rrugore;
janë ndëshkuar 864 drejtues mjetesh, për shkelje të tjera të Kodit Rrugor.
Kontrollet do të vijojnë në të gjitha akset rrugore të qarkut.
Policia Rrugore e Elbasanit apelon për të gjithë drejtuesit e automjeteve që të zbatojnë me rigorozitet rregullat e qarkullimit rrugor
.
