“Policia Rrugore e Tiranës Intensifikon Kontrolloret për Sigurinë në Qarkullimin Rrugor, Arrestime dhe Masa Administrative”

Drejtoria Vendore e Policisë Tiranë,

Policia Rrugore e Tiranë, gjatë kësaj jave, ka shtuar kontrollet policore parandaluese për verifikimin e drejtueseve të mjeteve që drejtojnë automjetet pas përdorimit të pijeve alkoolike, të papajisur me leje drejtimi, me shpejtësi mbi normat e lejuara, shkeljet e semaforëve, pa rrip sigurimi, për përdorimin e celularit gjatë drejtimit të automjetit si dhe për automjetet që zënë hapësirat e dedikuara për lëvizjen e lirë të automjeteve.

Si rezultat i kontrolleve specialistët e Qarkullimit Rrugor:

•Kanë arrestuar/proceduar 32 drejtues automjetesh, nga të cilët 13 në gjendje të dehur, 6 të papajisur me leje drejtimi, 7 për shkelje të qarkullimit rrugor, 2 persona të shpallur në kërkim, 2 drejtues mjetesh për “Korrupsion aktiv ndaj personave që ushtrojnë funksione publike”, 1 drejtues për largim nga vendi i aksidentit si dhe 1 shtetas për deklarim të rremë para oficerit të Policisë Gjyqësore.

•Kanë vendosur 10.954 masa administrative për shkelje të ndryshme rrugore, mesatarisht 1564 në ditë.

•Kanë pezulluar 15 leje drejtimi si dhe kanë bllokuar 15 automjete.

•Janë tërhequr me karrotrec 20 automjete të cilat kanë zënë hapësirat e dedikuara për lëvizjen e lirë të automjeteve.

Kontrollet do të vijojnë në 24/7 në të gjithë qarkun e Tiranë.

Policia e Tiranës apelon për të gjithë drejtuesit e mjeteve, që të zbatojnë rregullat e qarkullimit rrugor dhe të mos pengojnë lëvizjen e mjeteve të tjera.