Policia Rrugore Gjirokastër, e pranishme 24/7, në të gjitha akset rrugore, me qëllim parandalimin e aksidenteve dhe garantimin e sigurisë rrugore.
Akset monitorohen pandërprerë, me pajisje të logjistikës bashkëkohore, si radarë automatikë, dronë cilësorë, poliskanë dhe dragera, me qëllim menaxhimin e trafikut dhe evidentimin e shkeljeve që janë burim aksidenti apo që bëhen pengesë për qarkullimin.
Janë vendosur gjithsej 1873 masa administrative për shkelje të ndryshme të Kodit Rrugor, konkretisht:
6 masa për mosvënien e kaskës mbrojtëse;
10 masa për përdorimin e celularit gjatë drejtimit të mjetit;
18 masa për drejtim mjeti nën efektin e alkoolit;
595 masa për parakalime të gabuara;
410 masa për ndalim apo qëndrim të gabuar;
487 masa për shpejtësi tej normave të lejuara;
⚠ 310 masa për shkelje të tjera të Kodit Rrugor.
Kontrollet nga Policia Rrugore do të vijojnë në të gjitha akset rrugore urbane, interurbane dhe rurale, duke përdorur të gjitha mjetet bashkëkohore logjistike, me qëllim përmbushjen e parametrave të sigurisë rrugore.
Policia Rrugore Gjirokastër apelon për të gjithë drejtuesit e mjeteve që të zbatojnë me rigorozitet rregullat e qarkullimit rrugor, të mos kryejnë parakalime të gabuara, të mos përdorin celularin gjatë drejtimit të mjetit dhe të mos drejtojnë mjetin, në efektin e alkoolit apo në gjendje të dehur.
Ftojmë qytetarët që të denoncojnë në numrin pa pagesë 112, çdo shkelje të rregullave të qarkullimit rrugor.
