Policia serbe në Medvegjë ka arrestuar 7 nxënës shqiptarë, të cilin kishin ngritur një flamur kombëtar për “Ditën e Pavarësisë”.
Sipas agjencisë së lajmeve “Presheva jonë”, në mesin e nxënësve të arrestuar ka qenë edhe djali i Zv.kryetarit të Kuvendit të Medvegjës, 15-vjeçari Armend Sahiti.
Nxënësit e shkollës së mesme “Nikola Tesla” janë marrë në pyetje në rajonin e policisë së zonës dhe u janë kërkuar sqarime për ngritjen e flamurit shqiptar në këtë shkollë.
Ndërkohë prindërit e tyre kanë deklaruar për mediat lokale, se ata përveçse janë penguar nga ora e mësimit, edhe janë dhunuar gjatë mbajtjes për rreth 2 orë në rajonin e policisë.
Nënkryetari i Kuvendit të Medvgjës, Florim Sahiti, si edhe zëvëndëskryetarja e Komunës së Medvegjës Leme Xhema, kanë reaguar dhe e kanë dënuar me ashpërsi këtë akt të policisë serbe ndaj fëmijëve shqiptarë vetëm për shkak të mbajtjes së simboleve kombëtare shqiptare.
Discussion about this post