Plot 53 persona janë arrestuar nga policia serbe për shkak se akuzohen për korrupsion. Lajmi u bë i ditur nga ministri i brendshëm serb, Nebojsa Stefanoviç.
Në një deklaratë për mediat, Stefanoviç tha se të arrestuarit kanë përfituar më shumë se 10 milionë euro.
“Ky operacion tregon se shteti është i vendosur të luftojë krimin dhe korrupsionin dhe se askush nuk do të mbrohet nëse ka kryer krime. Trembëdhjetë punonjës të policisë, por gjithashtu dhe punonjës të Ministrisë së Bujqësisë bëjnë pjesë mes të dyshuarve të arrestuar”, tha ndër të tjera Stefanoviç. (D.D/Shuplaka)
