Policia shkon për ta arrestuar për vjedhje, në banesë i gjen hashash

Polica e Krujës ka arrestuar një 22-vjeçar i cili ishte shpallur në kërkim pasi është dënuar me parë nga gjykata.

Bëhet fjalë për Betim Xhixhën, ku  Gjykata e Rrethit  Gjyqësor Krujë  ka dhënë masën e sigurisë “Arrest me burg”  për veprat penale “Vjedhja me armë e kryer në bashkëpunim” dhe “Prodhimi dhe mbajtja pa leje e armëve luftarake dhe e municionit ”.

22-vjeçari është arrestuar në banesën e tij ku njëkohësisht gjatë kontollit të banesës policia gjeti dhe sekuestroi në cilësinë e provës materiale lëndë narkotike e dyshuar e llojit Cannabis Sattiva.

Materialet i kaluan Prokurorisë së Rrethit Gjyqësor Krujë.

Mbi 22-vjeçarin rëndon vepra penale  “Prodhimi dhe shitja e narkotikëve”.