Kontrollet e Policisë në kryeqytet vijojnë ende për të evidentuar dhe goditur akte të paligjshme. Policia ka zbuluar sot 2 raste të aktivitetit të paligjshëm të lojërave të fatit dhe janë proceduar penalisht pronarët e dy lokaleve.
Si rezultat, policia ka sekuestruar në total 4 tavolina pokeri, 80 fisha pokeri, 5 pako letra bixhozi, një sasi lekësh dhe 1 DVR e kamerave të lokalit.
DETAJET E POLICISË
Shërbimet e Policisë të Komisariatit Nr.6, pranë D.V.P.Tiranë proceduan penalisht shtetasit :
– E.D., 33 vjeç, banues në Tiranë.
Në rrugën “Aleksandri i Madh”, në ambientet e brendshme të lokalit bar, në përdorim prej tij, gjatë kontrollit të ushtruar janë konstatuar 10 shtetas duke luajtur poker në një tavolinë të përshtatur për lojëra fati.
Sekuestrohet në cilësinë e provës materiale një tavolinë pokeri.
– S.R., 29 vjeç, banues në Tiranë.
Në rrugën “Mikel Maruli”, në ambientet e lokalit për lloto sportive, në përdorim prej tij, gjatë kontrollit të ushtruar është konstatuar aktivitet i kundraligjshëm i lojërave të fatit.
Sekuestrohet në cilësinë e provës materiale :
– 3 tavolina pokeri
– 80 fisha pokeri
– 5 pako letra bixhozi
– 1 DVR të kamerave të lokalit
– një shumë lekësh.
Materialet iu referuan Prokurorisë së Rrethit Gjyqësorë Tiranë në ngarkim të shtetasve të lartpërmendur për veprën penale “Organizim i llotarive të palejuara”, parashikuar nga neni 197 i Kodit Penal.
Discussion about this post