Sot në varrezat e Dëshmorëve të Kombit u mbajtën homazhe në kuadër të Ditës së Çlirimit të Shqipërisë.
Të pranishëm në homazhe kanë qenë Presidenti i Shqipërisë Ilir Meta, Kryeministri Edi Rama, Kryetari i Kuvendit Gramoz Ruçi, Kryebashkiaku Veliaj, dhe Ministrja e Mrojtjes Xhaçka të cilët kanë vendosur kurora me lule dhe janë përulur me nderim para monumentit ‘Nënë Shqipëri’.
Asnjëri nga të pranishmit nuk ka preferuar të jap deklaratë për mediat .
Kryetarja e LSI-së Monika Kryemadhi do të kryejë homazhe në orën 10:30. Ndërsa është përcaktuar që veteranët do të zhvillojnë homazhe në orën 12:00.
Ndërkohë që kreu i Opozitës gjatë ditës së djeshme ka marrë pjesë në një manifestim të komunitetit shqiptar në Milano dhe ende nuk dihet në dot të kthehet sot në Shqipëri.
Debati për Festën e Çlirimit mbetet ende i ndezur midis palëve politike në vend, pasi të djathët ndjekin të njëjtën linjë sikursë çdo vit ku nderimi I dëshmorëve nga ana e tyre bëhet më 29 Nëntor.
Kojtojmë se e djathta datën 29 Nëntor e konsideron si një vendim të marrë nga regjimi komunist duke falsifikuar historinë. Për këtë arsye, gjatë mandatit të parë qeverisës prej saj, e ndryshoj këtë datë duke I zhvendosur manifestimet më datën 28 Nëntor.
Por, 29 Nëntori me anë të një ligji të posaçëm e fitoi sërish statusin e Ditës së Çlirimit kur e majta erdhi në pushtet, në verën e vitit 1997.
(F.GJ/FAXWEB.AL)
Discussion about this post