Ish-presidenti i Republikës së Shqipërisë, Bamir Topi, ka shprehur vlerësimin për figurën e Ilir Metës si Presidenti i ardhshëm i Shqipërisë.
Në reagimin e tij, ai vlerëson tek Meta kontributin e këtij të fundit në përmirësimin e cilësive të durimit për të dialoguar, duke e cilësuar si një politikan me përvojë.
Topi shpreh gatishmërinë e tij për të bashkëpunuar, duke thënë se kontributi do jetë kënaqësi për të. Në konferencën për shtyp të së dielës, Ilir Meta, u shpreh se si kryetar shteti do të bashkëpunoje me të gjithë forcat politike, me presidentin dhe ish-presidentët e vendit.
Deklarata e Bamir Topit për Ilir Metën President:
Detyrim dhe kënaqësi të bashkëpunoj me Presidentin e zgjedhur Meta. Gjëja më e rëndësishme për Shqipërinë sot është fakti se nuk ra në krizë për zgjedhjen e Presidentit në një moment kur situata politike është problematike dhe për më tepër që në kontekstin rajonal ka jo pak trazira.
Pavarësisht nga këndvështrime të ndryshme rreth emrit, personalisht shoh tek z.Meta një politikan me përvojë që ka përmiresuar ndjeshëm cilësitë e durimit për tëdialoguar. Besoj se kjo është më e rëndësishmja për atë institucion.E kam uruar presidentin e ri, dhe kam gjetur gadishmërinë për të bashkëpunuar mbi çështje të interesit kombëtar. Në çdo kohë që kreu i shtetit do ta shohë të arsyeshme, kontributi im do të jetë detyrim dhe kënaqësi.
(XH.A/SHUPLAKA)
Discussion about this post