Deputeti i djathtë Genc Pollo në Ora News ka komentuar mbi zhvillimet e fundit politike sa i përket vizitës së Hoyt Yee.
Ai u shpreh se nëse pranohet se 4 ministra duhet të ndërrohen, fakti që është pranuar nga mazhoranca, tregon se nuk jemi një vend normal.
Pjesë nga fjala e Pollos:
Rama tha nuk e ndryshoj qeverinë dhe përsëri ofroi ministrat, opozita mund të jetë fleksibël në mënyrë të arsyeshme.
Mund të quhej një bazë e mirë por ka nevojë për zhvillim. PD kërkon vetëm gjëra që kanë të bëjnë më zgjedhjet. PD nuk ka dalë në rrugë për disa çështje që nuk kanë të bëjnë më mirë. Të kërkosh Avokatin e Popullit kur nuk lidhje është ta tradhëtosh kauzën. Edhe kryetari i KQZ nuk është një titullar monist i një organi, është organ kolegjial. Problemin e kemi te politizimi i administratës, kriminalizmi i fushatës e të tjera.
Raporti i OSBE ka treguar se zgjedhjet e 2015 kanë bërë hapa mbrapa, dëshira dhe impenjimi I ndërkombëtarëve është i mirëpritur, por garancitë për krimin drogën nuk ti jep askush. Nëse pranohet se 4 ministra duhet të ndërrohen, fakti që është pranuar nga mazhoranca, tregon se nuk jemi një vend normal.
(M.D/Shuplaka)
Discussion about this post