Shtetet e Bashkuara të Amerikës dhe Kina janë përfshirë në një debat në lidhje me përhapjen e koronavirusit në botë. Shtëpia e Bardhë nuk beson raportimet zyrtare që vijnë nga Kina dhe dyshon për manipulim të numrit të viktimave në Kinë.
Sekretari amerikan i Shtetit, Mike Pompeo ka përsëritur duke thënë se Shtetet e Bashkuara besojnë se ka shumë laboratorë në Kinë që punojnë në patogjene (bakter ose mikrob që shkakton sëmundje) ngjitëse, por nuk e di nëse objektet kanë siguri të përshtatshme për të parandaluar pandemitë e ardhshme.
“Ne vlerësojmë se ka laboratorë të shumtë brenda Kinës që po vazhdojnë të punojnë, me patogjenet ngjitëse”, tha Pompeo në një konference për shtyp në Departamentin e Shtetit.
“Ne nuk e dimë nëse ata po punojnë me një nivel të sigurisë për të parandaluar që kjo (pandemia e koronavirusit) të ndodhë përsëri. Mos harroni kjo nuk është hera e parë që ne kemi pasur një virus të dalë nga Kina”, tha Pompeo.
Discussion about this post