“Siç e kam theksuar kudo në Evropë, unë i paralajmërova për rreziqet e investimeve kineze në teknologjitë e ndjeshme dhe strategjinë e ryshfetit të Kinës, për të siguruar marrëveshje të infrastruktures”. Kjo ka qenë një pjesë e deklaratës së Sekretarit amerikan të Shtetit gjatë një vizite në Maqedoninë e Veriut.
Kështu, zyrtari i lartë amerikan, ka paralajmëruar liderët e vendeve të Ballkanit për rreziqet e mundshme nga investimet kineze.
Pompeo tha se ka besim në miratimin e protokollit të Maqedonisë së Veriut për anëtarësim në NATO nga senati amerikan dhe bëri thirrje të qarta për rezistencë nga ndikimet ruse dhe kineze. Ai përshëndeti marrëveshjen e Prespës dhe atë me Bullgarinë.
“I mirëpresim hapat që Qeveria juaj ka bërë për të luftuar korrupsionin dhe për të inkurajuar llogaridhënie më të madhe për secilin që ka abuzuar me besimin publik. Luftimi i korrupsionit është kritik për fillimin e negociatave me BE-në dhe anëtarësimin në NATO por edhe më e rëndësishme është për qytetarët tuaj. Një demokraci e fortë duhet të mbajë përgjegjësi për shqetësimet e opinionit dhe të ndërmarrë më shumë hapa për rezistencë dhe mbrojtje ndaj ndikimeve të dëmshme. Zemrat dhe mendjet e qytetarëve të Maqedonisë së Veriut duhet të drejtojnë vendin tuaj përpara dhe jo ndikimet ruse në mediat sociale. Gjithashtu ju paralajmëroj për rrezikun e investimeve të kineze në sensin e teknologjisë dhe strategjinë e tyre për të siguruar marrëveshje infrastrukturore”-tha Mike Pompeo.
Përpara se të vizitonte Maqedoninë e Veriut, Pompeo ka vizituar Vatikanin dhe Malizn e Zi. Gjatë vizitës në tij vendet e Ballkanit Perëndimor, Mike Pompeo ka ritheksuar mbështetjen e Uashingtonit ndaj vendeve të Rajonit drejt integrimit europian.
(F.GJ/FAXWEB.AL)
Discussion about this post