Kriza politike në vend duket se ka kaluar Adriatikun dhe është bërë temë diskutimi dhe në Itali, ku mbrëmjen e djeshme kryeministri Rama dhe kreu i PD-së Lulzim Basha u përplasën në emisionin “Porta a Porta” në Rai Uno.
Gjatë kohës që Rama ishte në studio, gazetari Bruno Vespa trasmetoi një intervistë të Lulzim Bashës, i cili renditi dy problemet kryesore që ka Shqipëria sot, që ishin demokracia dhe niveli i kriminalitetit.
“Vitin e kaluar Shqipëria ka patur me trafikun e drogës, dhe me milionet e drogës u blenë, votat, policia, media etj. Dy muaj më parë mediat ndërkombëtare kanë publikuar disa përgjime të prokurorisë për zyrtarë të lartë të PS-së, ku vërtëtohet se ka patur kontakte me bosët e drogës për të blerë votat, për të indimiduar opozitën në zgjedhjet e shkuara.
Për 4 vjet qeveria ka patur ministër të Brendshëm, Saimir Tahirin, i cili tani është nën akuzë zyrtarisht pë trafik ndërkombëtar droge. Këto akuza u ngritën nga prokurorët antimafia e Katanias. Pasardhësi i e tij, Fatmir Xhafaj, drejtësia italiane ka dënuar vëllain e tij me 7 vjet burg si anëtar i një organizate ndërkombëtare drogre “, tha Basha në emision.
Por në kundërpërgjigje Edi Rama tha se për çështjen e kanabisit, raportet më të besueshme janë ato të Guardia Di Finanza, që sipas tij tregojnë luftën reale që është bërë me drogën. Më tej kryeministri e ka quajtur Bashën si “mikun e tij“ me të cilin bëri marrëveshjen 18 majit.
“Dy gjëra bëmë në marrëveshjen me mikun tim lider të opozitës. Kush fiton qeveris dhe kush humbet do bëj opozitë. Ndërkohë që pika e dytë ishte nuk fltet keq për Shqipërinë në gjuhë të huaj”, tha Rama.
Kryeministri sqaroi dhe zëvëndësimin e mandateve dhe kërkesën e opozitës për largimin e tij. Ai e krahasoi situatën me skuadrën e Juventusit dhe veten e tij me Ronaldon. Rama këmbënguli që protestat nuk janë të popullit, po të një numri të caktuar politikanësh në vendin tonë.
“Ata u larguan nga parlamenti, dhe thanë që kryeministri duhet të largohet. Pra Juventusi duhet të largohet dhe të krijohet një skuadër e re pa Kristano Ronaldon. Pra ata u larguan nga Parlamenti, ndërkohë që deputetët po zevëndësohen me pasuesit në lista. Në qershor janë zgjedhjet, por ata kanë bërë të njëjtën gjë edhe në zgjedhjet e shkuara. Sipas sondazheve të mija janë me keq se opozita e juaj”, tha Rama.
Në ndihmë të Ramës në studio ishte dhe drejtori sportiv i Lazios Igli Tare, i cili u shpreh se protestat e dhunshme nuk janë imazhi që i shërben vendit.
(E.K/FAXWEB.AL)
Discussion about this post