Kryeministri Edi Rama i ftuar në ‘Klan Kosova’ ka shpjeguar edhe procedurat e bashkimit doganor me Kosovën. Rama tha ndër të tjera që Porti i Durrësit do të jetë edhe i Kosovës.
Kryeministri teksa komentoi reagimin e opozitës, u shpreh se ka një përpjekje në Tiranë për të përbaltur përpjekjet e qeverisë për t’u afruar me Serbinë. Kreu i qeverisë tha se ai cilëson veten patriot dhe jo nacionalist.
“Unë kam 5 vjet që më ra goja, kërko takim këtu, aty. Dy ditë para mbledhjes jo nuk bëhet Porti i Durrësit do të jetë edhe Porti i Kosovës, në kuptimin e doganave, aty do bëjmë edhe bashkimin e plotë doganor.
Ka një përpjekje në Tiranë për t’i hedhur baltë në mënyre të vazhdueshme procesit të bashkimit me Serbinë duke e cilësuar si kundër Kosovës. Unë nuk jam nacionalist, se do të thotë ta shohësh keq tjetrin, unë jam patriot se e dua vendin tim. Të duash vendin do të thotë të duash tjetrin dhe ta bësh pjesë të suksesit tënd. Kjo është shah, lufta në një farë mënyre është boks. Ndërsa paqja nga ana tjetër është shah.
Duhet ta bësh me strategji, taktika që të duken atje ku janë. Në këtë moment nuk ka shumë për të menduar se nuk është një moment shumë i qartë. Toleranca jonë nuk është dobësi, Dëshira jonë për paqe, nuk është dëshira e një të dobëti përpara të fortit, është forca jonë”, u shpreh Rama. (J.D/Faxweb.al)
Discussion about this post