Kombëtarja e Portugalisë do të përballet së shpejti me dy kombëtaret europiane, atë të Serbisë dhe të Ukrainës, të vlefshme për ndeshjet kualifikuese të europianit 2020.
Për këtë ajo ka shpallur listën e lojtarëve ku siç edhe ishte paralajmëruar nga vetë trajneri Fernando Santos, në këto përballje do të kthehet në skuadër Kristiano Ronaldo.
34-vjeçari nuk ka qenë pjesë e përfaqësueses prej kampionatit Botëror, teksa zgjodhi të merrte një pauzë nga Kombëtarja, duke mos u aktivizuar në Ligën e Kombeve, dhe iu përkushtua totalisht aventurës së re me Juventusin.
Mirëpo me fillimin e një aktiviteti të rëndësishëm, Ronaldo i është ribashkuar grupit, dhe do të udhëheq si kapiten ekipin në kualifikueset e europianit. Në listën e Santos, bie në sy rikthimi i mesfushorit të Interit Zhoao Mario.
Ndërkohë, për këto dy ndeshje është grumbulluar edhe Andre Silva, sulmuesi i Sevijës, i cili aktivizohet me Seviljën. Gjithashtu, trajneri 64-vjeçar ka thërritur në Kombëtare talentin e Benfikës, Zhoao Feliks, që kërkohet nga klubet më të mëdha të Europës.
Discussion about this post