Dhjetëra qytetarë janë mbledhur gjatë mbrëmjes së sotme para Drejtorisë së Policisë së Tiranës për të protestuar për lirimin e të arrestuarve në Kukës.
Me thirrjet “Poshtë diktatura!”, “Lironi qytetarët arrestoni grabitqarët!”, qytetarë dhe anëtarë të shoqërisë civile kanë kërkuar lirimin e të arrestuarve dhe kanë hedhur akuza ndaj Edi Ramës.
Ndërkohë që në Tiranë janë transportuar 11 persona nga 23 të arrestuarit pas protestës së zhvilluar dje në Kukës.
Arsyet pse janë transportuar drejt Tiranës nuk dihen ende.
