Presidenti i Republikës Ilir Meta në një dalje publike për mediat ka bërë thirrjen e rrallës për tubimin e nesërm në Bulevard.
Ai nuk nguroi të sulmojë edhe njëherë Ministren e Drejtësisë duke e quajur ministre të padrejtësisë gjithashtu edhe oligarkët e qeverisë siç i quan ai.
Meta në komuikimin me gazetarët nga Presidenca komentoi edhe arrestimin e botuesit Henri Cili duke e cilësuar si një arrestim të denjë për Toto Rinon.
“Për Presidentin ka rëndësi që qytetarët të vijnë të thonë fjalën e tyre pasi ky është një shtet që dhunon shumicën për pakicën. Një shtet që ndalon kolegun tuaj Henri Cili (u drejtohet gazetarëve), i cili mund të ketë përgjegjësitë e veta mund të mos i ketë, është përgjegjeësi e tij dhe puna që duhet të hetojë drejtësia, iu sulën sikur të ishte Toto Rino, ndërkohë që në Kongresin e Partisë ministrja e padrejtësisë del e krenohet me Reformën në Drejtësi edhe pse është kapur me katër vepra penale.
Për mua ka rëndësi që të ketë një protestë paqësore, me flamuj Kuq e Zi dhe me thirrjen ” E duam Shqipërinë si gjithë Europa”. Sovraniteti i përket popullit, poshtë oligarkët”,-tha Meta.
Discussion about this post