Pas protestës masive, në orët e para të ditës së sotme, kreu i PD-së Lulëzim Basha, ka reaguar me një status në profilin e tij të ‘Facebook’-ut.
Basha shkruan se qytetarët të cilët e mbështesin jetesën me standard europian, ishin sot në shesh. Ata protestuan kundër qeverisë antieuropiane, për një Shqipëri demokratike dhe të lirë.
Satausi i plotë:
“Dielli për shqiptarët lind nga Perëndimi!
Qytetarët më pro europianë të Europës u ngritën sot kundër qeverisë më antieuropiane në Europë.
Ne nuk përulemi para autokracisë. Ne nuk i mbyllim sytë dhe gojën para krimit e drogës. Demokracinë, përparimin dhe stabilitetin mund ta garantojnë vetëm njerëzit e lirë dhe jo autokratët e korruptuar”, shkruan Basha. (E.V/Faxweb.al)
Discussion about this post