Në prag të zgjedhjeve për kryetarin e Partisë Demokratike, analisti Baton Haxhiu ka habitur me deklaratën e tij ndërsa ishte i ftuar në emisionin “Komiteti” të gazetarit Berat Buzhala.
Sipas Baton Haxhiut, postin e kreut të PD-së e meriton Argita Malltezi, vajza e ish-liderit të kësaj force politike, Sali Berishës.
“Argita është për mua ndoshta femra që e meriton me qenë në PD. Është më e zgjuar se Luli, është më e zgjuar se Berisha!… Argita është ndër femrat e rralla që ka karizëm! Që ka dije por e kundërta e saj është vllau… e mendoj se ajo nuk hyn në politikë pikërisht prej vëllait. Ai është në shoë bizz. Po të mos ishte Shkëlzeni, do të ishte liderja më e mirë e PD-së.”, është shprehur analisti.
PJESË NGA INTERVISTA
Haxhiu: Është vetëngrirë me dëshirën e Berishës… e ka një vijë familjare me Argitën dhe Jamarbër Malltezin plus dhe një grup tjetër që kanë punuar në Kosovë…
Buzhala: Por Jamarbër Malltezi doli kundër Bashës…
Haxhiu: Mendoj që është një taktizim brutal që nuk më ka pëlqyer… Unë mendoj se doktori e ka futur atë sa për të kundërshtuar ose sa për t’i thënë epitetin e pluralizmin në parti.
Buzhala: Pse ti mendon se janë të afërt Basha dhe Argita?
Haxhiu: Argita dhe Luli kanë jetuar në Prishtinë…
Buzhala: Jo po them pas këtyre zgjedhjeve… a ka ambicie politike Argita?
Haxhiu: Argita është për mua ndoshta femra që e meriton me qenë në PD. Është më e zgjuar se Luli, është më e zgjuar se Berisha!… Argita është ndër femrat e rralla që ka karizëm! Që ka dije por e kundërta e saj është vllau… e mendoj se ajo nuk hyn në politikë pikërisht prej vëllait. Ai është në shoë bizz. Po të mos ishte Shkëlzeni, do të ishte liderja më e mirë e PD-së. (D.D/Shuplaka)
