Juventusi arriti një fitore të rëndësishme dhe të vështirë mbrëmë përballë Empolit në kampionatin italian dujke e mposhtur me rezultatin 2-1, pasi Empoli kishte kaluar i pari në avantazh.
Në këtë ndeshje Ronaldo shënoi dy gola, i dyti supergol nga jshtë zone, duke e çuar topin në trekëndësh dhe duke mos i dhënë asnjë mundësi portierit për ta ndalur.
Por argjentinasi Dybala i cili në këtë ndeshje luajti si kapiten pas daljes jashtë të mbrojtësit juventin Giorgio Chiellini i kënaqur me atë që kishte bërë Ronaldo ka postuar një foto krah tij ku shkruan: “Asnjëherë nuk harrohet ndeshja e parë si kapiten”. Porn ë prapaskenë të fotos vihet re një afishe ku listoheshin të gjitha rutinat që lojtarët e Juventusit duhet t’i përdornin gjatë ndeshjes për gjuajtje të lira.
Allegri kishte udhëzuar lojtarët e tij se kush do të gjuante nga pozitat e ndryshme, varësisht nga vendi ku ishte bërë ndërhyrja e parregullt. Por, në këtë afishe tregoheshin edhe cilët lojtarë të Empolit do të ruheshin nga cilët lojtarët të Juventusit, dhe kush do të qëndronte në murin e lojtarëve për ta ndaluar topin. (BB.H/Faxweb)
