Kryetari i Bashkisë, Erion Veliaj, zhvilloi një intervistë pak para mbylljes së fushatës me gazetaren Rudina Xhunga, në Pazarin e ri, që nuk kishte pak ditë që ishte rikonstruktuar.
Në pjesën e dytë të intervistës, Veliaj i sugjeron Xhungës të marrin të pijnë diçka dhe porosit dy birra në barin pranë, para të cilit po zhvillohej intervista.
Birrat vijnë dhe ato serviren nga një vajzë e mitur e veshur me veshje tradicionale tiranase. Pas komplimenteve të Veliajt dhe Xhungës, vajza largohet ndërsa intervista për sukseset e kryebashkiakut në krye të Tiranës vijon më tej.
Ajo që ndodh në këtë pjesë të intervistës është diçka e ndaluar me ligj. Në nenin 25 të Kodit Penal të Ligjit Nr. 18/2017 Për të Drejtat dhe Mbrojtjen e Fëmijës , shkruhet shprehimisht se ndalohet pjesëmarrja e fëmijëve nën 18 vjeç në përdorimin, prodhimin, dhe shitjen e substancave alkoolike.
Kjo nuk është hera e parë që Veliaj përdor fëmijët si pjesë e strategjisë së tij të marketingut. Ai mbahet mend për rastin e një fëmije rom, të cilin e transportoi në spital, apo rastet e fëmijëve ‘të lumtur’ nga puna e Bashkisë nëpër kopshtet e Tiranës. /Hashtag.al
Discussion about this post