“Prandaj përpara”, Edi Rama zgjedh Kavajën pa zgjedhje për urimin e mëngjesit

Kryeministri Edi Rama ka zgjedhur qytetin e Kavajës për t’u thënë “Mirëmëngjes” shqiptarëve dhe për t’u uruar një ditë të mbarë.

Me një kolazh fotos, imazh të Kavajës dy netë më parë krahasuar me 2013-ën, ai shprehet se në katër vitet e fundit Kavaja është bërë më shumë se në 25 vjet të marra së bashku.

“MIRËMËNGJES

dhe ju uroj një ditë të mbarë më këtë imazh të Kavajës më 2013 dhe mbrëmë?

Në katër vitet e fundit për Kavajën është bërë më shumë se në 25 vjet të marra së bashku. Ende edhe më shumë mbetet për t’u bërë, por edhe shumë ka për të humbur nëse ndalemi sot. Prandaj përpara #PërKavajënQëDuam #PërShqipërinëQëDuam me #Drejtësi#Shtet #Punë #Mirëqenie me #PartinëSocialiste.”, shkruan Rama.

Ky reagim i tij vjen pas vendimit të dy ditëve më parë për të anuluar zgjedhjet lokale, duke tërhequr kështu kandidatin e mazhorancës, tërheqje që u ndoq me dorëheqjen edhe të kandidatit të pavarur.

(XH.A/SHUPLAKA)