Policia e Shtetit që pas lajmërimit të masave shtesë nga qeveria për mbylljen e lokaleve, restoranteve, ambjenteve të tjera publike dhe private që konsiston me grupime njerëzish, ka zbirutr në terren duke kontrolluar zbatimin e tyre.
Drejtori i Përgjithshëm i Policisë së Shtetit Ardi Veliu dhe Shefi i Shtabit të Përgjithshëm të Ushtrisë Bardhyl Kollçaku inspektuan pikat e kontrollit, të shpërndara në pikat hyrëse dhe kyçe në Tiranë, të ngritura për të monitoruar qarkullimin e drejtuesve të mjeteve dhe pasagjerëve që mund të udhëtojnë nga shtetet e prekura nga COVID-19.
Ajo çfarë bie në sy është edhe fakti se Veliu nuk ka preferuar të përdor asnjë mjet mbrojtës, ndërsa të njëjtë gjë kanë bërë edhe drejtuesit e tjerë që e shoqërojnë, teksa qëndrojnë në distancë të vogël me njëri-tjetrin.
Që prej orës 20.00, Kollçaku dhe komandanti i Policise Ushtarake, Altin Kurti, në kuadër të inspektimit/kontrollit të postblloqeve FA/Polici kanë nisur kontrollet tek Piramida për të vijuar meë pas në të gjitha pikat e kontrollit të ngritura në Tiranë.
Kontrolle ka pasur edhe në rrethe të tjera ku forcat e rendeit kanë kontrolluar dyqane, lokale e restorante.
Në Durrës janë kryer kontrolle pranë disa pikave si fast food ku është bërë dhe mbyllja e tyre gjatë pasdites së sotme. Ndërsa një pjesë e konsiderushme e lokaleve janë mbyllur edhe me herët, që pas publikimit të viktimës së parë nga virusi.
Në kuadër të masave shtesë që po ndërmerr qeveria për frenimin e përhapjes së pandemisë COVID-19, Policia e Shkodres dhe ajo e Lezhës të pajisur me maska dhe doreza kanë zbritur natën sotme në terren të mbështetur nga forcat e Forcat e Ndërhyrjes së Shpejtë.
Po ndalohen dhe bëhen kontrolle ndaj mjeteve me targa te huaja kryesisht nga italia duke i keshilluar të vetëkarantinohen.
Kontrolle po bëhen edhe ndaj shtetasve shqiptare ku pyeten për udhëtimin e fundit jashtë vendit duke kontrolluar edhe në sistemin tims .
Gjithashtu edhe në qytetin e Gjirokastës bëhet me dije se Drejtori i ISSH-së rrethi Gjirokaster sëbashku me efektiv të DVP kanë nisur menjëherë punën në terren për sa i përket mbylljes së bizneseve në këtë qytet.
Kontrollet në fjalë po bëhen me urdhër të Drejtorit të Përgjithshëm Ardi Veliu si masa parandaluesepër përhapjen e Pandemisë COVID-19 .
(F.GJ/FAXWEB.AL)
Discussion about this post