Aktivitete të shumta sociale janë zhvilluar edhe nga degët e LSI-së në rrethe të ndryshme të Shqipërisë me rastin e 13-vjetorit të ditës së themelimit të kësaj force politike.
Nën moton “Përgjegjësi Sociale”, strukturat e LSI-së dhe LRI-së dhe anëtarët e kësaj force politike në rrethet e vendit kanë zhvilluar disa aktivitete të karakterit social në drejtim të ruajtjes së mjedisit dhe mbështetjes së kategorive të ndryshme sociale.
Një nga aktivitetet ishte në maternitetin e Lezhës. Duke i dhuruar një trëndafil çdo nënë dhe duke ju drejtuar me një leter të përsonalizuar secilës, LSI dhe LRI Lezhë apeluan shoqërinë shqiptare për më shumë vemendje, më shumë përkujdesje për nënat dhe gratë shqiptare.
Ndërkohë në qytetin e Elbasanit, anëtarët e LSI dhe LRI-së janë angazhuar në një aktivitet të karakterit mjedisor për pastrimin e Prroit të Zaranikës.
Po në kuadrin e nismës “Përgjegjësi Sociale”, strukturat e LSI dhe LRI të Pogradecit kanë vizituar shkollën “Amaro Tan”, që në gjuhën rome përkthehet “Vendi Ynë”, duke shërbyer ushqimin dhe u kujdesur për përmirësimin dhe pastrimin e ambjenteve rreth kësaj shkolle.
Të rinjtë e LRI në Qarkun Gjirokastër kanë zhvilluar gjithashtu një aktivitet sensibilizues kundër dhunës së grave. LRI dhe LSI e Fierit, ashtu si edhe në Tiranë është angazhuar në një nismë për mbjelljen e pemëve, ndërsa të rinjtë e LRI-së së Beratit ju përgjigjën nismës “duke u angazhuar për lyerjen e pemëve të parkut të këtij qyteti.
[ngg_images source=”galleries” container_ids=”2719″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post