Autoritetet e sigurisë gjermane kanë shtuar masat e sigurisë pas sulmit të pak ditëve më parë në Berlin, ku mbetën të vdekur 12 persona dhe u plagosën 48 të tjerë. Në kuadër të këtyre masave, janë vënë në pranga edhe dy shtetas kosovarë që dyshohet se po përgatisnin sulme terroriste.
Vëllezërit kosovarë, të moshave 31 dhe 28 vjeç, lindur në Kosovë, u kapën në orët e para së të premtes në qytetin gjerman të Duisburg, pas dyshimeve se kishin në shënjestër një qendër tregtare Oberhausen.
Ata u ndaluan pas një informacioni në rrugë operative, gjatë një aksioni të ndërmarrë nga zyrtarë të veshur me rroba civile
Autoritetet vendase nuk kanë dhënë më shumë detaje lidhur me emrat e të arrestuarve, dyshimeve që rëndojnë mbi ta. Deri tani nuk ka asnjë tregues se këto arrestime janë të lidhura me ngjarjen në Berlin. (XH.A/SHUPLAKA)
Discussion about this post