Pranga të moshuarit, i gjenden armë zjarri në shtëpi (EMRI)

Policia e Durrësit ka arrestuar në flagrancë shtetasin Islam Nezha 68 vjeç, banues në Durrës. Gjatë kontrollit në banesë i sekuestrohen dy armë zjarri dhe fishekë.

Specialistët për Krimet në Stacionin e Policisë Plazh në bashkëpunim me Efektivet e Komisariatit të Policisë Durrës, në vijim të punës së tyre për rritjen e sigurisë së qytetarëve kanë arrestuar në flagrancë një shtetas, i cili mbante armë zjarri pa leje të organeve kompetente.

Në bazë  të informacioneve të siguruara nga Strukturat Policore, gjatë kontrollit të ushtruar në banesën e shtetasit të mësipërm i’u gjetën dhe sekuestruan në cilësinë  e provave materiale:

• një armë zjarri automatik, model 54;
• një armë gjahu teke dhe
• 95 fishekë model 54.

Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale” Prodhimi dhe mbajtja pa leje e armëve luftarake dhe e municionit”dhe

“Prodhimi dhe mbajtja pa leje e armëve të gjuetisë dhe sportive”parashikuar në nenet

278/3 dhe 280 të Kodit Penal.

(M.Q/Faxweb)