Pranohet kërkesa e SPAK nga apeli i GJKKO-së për inceneratorin e Fierit, vendoset përsëritja e shqyrtimit gjyqësor

Gjykata e Posaçme e Apelit ka vendosur përsëritjen e shqyrtimit gjyqësor për dosjen e incineratorin e Fierit.

Trupa e gjyqatrëve të Aspelit të Posaçëm, ka pranuar kërkesën e prokurorit të posaçëm, Dritan Prençi, në lidhje me aferën e inceneratorit të Fierit.

Vendimi për përsëritjen e shqyrtimit gjyqësor në Apel, do të bëjë të mundur edhe marrjen në pyetje të disa dëshmitarëve, si dhe të pandehurën, Arjola Kodra, lidhur me inceneratorin e Fierit, njëkohësisht administratore e inceneratorit të Tiranës, e cila u shpall e pafajshme nga GJKKO-ja.

Më 7 nëntor pritet të jetë seance e radhës.

Ish-ministri i Mjedisit, Lefter Koka, u dënua me 10 vite burg nga GJKKO për aferën e inceneratorit të Fierit, por me gjykim të shkurtuar dënimi u ul në 6.8 vite burg.