Kryetari i Ballit Kombëtar Artur Roshi ka qenë i ftuar sot në Fax Neës, ku ka komentuar dhe vendimin e tij për të pranuar mandatin e deputetit.
Roshi u shpreh se vota e lirë qëndron në themel të demokracive, dhe arsyeja se pse ai e pranoi mandatin nuk ka të bëjë me interesa personale. Kreu i Ballit tha më tej se ai nuk ishte pyetur nga PD-ja në kohën kur u mor vendimi për djegien e mandateve.
‘’Ne vendosëm që të bashkëpunonim me PD-në pasi ishim në kufijtë e mbijetesës, për të vijuar më tej filozofinë e Mid’hat Frashërit. Ne jemi në linjë më të përafërt me PD-në që është liberale. Vendimi që unë kam marrë i hap rrugën përpjekjeve të partive të vogla për ti hapur rrugë votës së lirë. PD dhe PS nuk e dëshirojnë votën e lirë, unë dua të jap sadopak kountributin tim e prezencën në Kuvend.
Vota e lirë është kthyer në një ëndërr për të gjithë shqiptarët. Duhet të krijojmë referenca për një shoqëri të re demokratike, në mënyrë që ti jepet fund këtij tranzicioni. Nuk jam pyetyur nga PD kur u mor vendimi për djegien e mandateve, dhe nuk jam konsultuar me ta as tani.
Unë që në fillim kam qenë kundër djegies së mandateve, edhe PD duhet të jetë më e hapur ndaj anëtarëve të vetë. Unë nuk hyj te njerëzit që hyj për gjëra të vogla në politikë, madje kam bërë 15 ditë burg për PD-në”, u shpreh Roshi.
Më tej ai komentoi dhe krijimin e një partie të re nga Rudina Hajdari dhe nga të zhgënjyerit e tjerë në PD, teksa u shpreh:
Tregu politik është një garë, çdokush bën llogaritë e veta, gara është e hapur për këdo, ajo për të cilën unë jam i shqetësuar është krijimi i hirearkisë së vlerave. Prandaj ne themi që nuk mund të ketë parti të mëdha dhe parti të vogla, atë e tregin vetëm vota e lirë, një ditë i vogli mund të bëhet i madh.
(E.K/FAXWEB.AL)
Discussion about this post