Pak pasi dorëzoi formularin e dekriminalizmit në KQZ, kandidati për deputet në zgjedhjet e kaluara parlamentare, Ligoraq Karamelo ka folur rreth çështjes nga qyteti i Korçës.
Karamelo ishte kandidat nga listat e PBDNJ-së dhe ka pranuar të marrë mandatin e deputetit pas krijimit të vakancave në Parlament për shkak të djegies së mandateve të opozitës.
Ai tha se në rrethana të njëjta me të edhe kreu i PBDNJ-së Vangjel Dule do të bënte të njëjtën gjë.
“Mandati i takon atyre qe kanë dhënë kontribut. Jam i detyruar të pranoj mandatin për qytetarët. Me Dulen nuk jam dakord për dorëzimin e mandatit. Nuk duhet të braktiset Parlamenti. Nga pozicioni që ka Dule, e justifikoj veprimin e tij. Në kushte të tjera Dule do të vepronte si unë”, tha ai.
Më herët janë betuar në Kuvend katër deputetët e rinj të LSI-së, që me shumë gjasa do të përjashtohen nga kjo forcë politike. Ylli Shehu Aurora Mara, Enver Roshi dhe Edmond Rrushi, kanë thënë ‘’betohem’’ përpara Gramoz Ruçit dhe kanë ,marrë duartokitjet e të gjithë socialistëve, që kanë qenë të pranishëm në sallë (Lexo këtu).
Ndërkohë që deri më tani ka 10 kandidatë nga listat e PD-së dhe të LSI-së që kanë shprehur gadishmërinë për të marrë mandatet e lëna nga deputetët e opozitës së bashkuar (Lexo këtu).
(F.GJ/FAXWEB.AL)
