Tramezzani mund të quhet padyshim ish-zëvendëstrajneri i Kombëtares Shqiptare. Ai zgjidhi kontratën me FSHF-në duke u larguar drejt Zvicrës ku do të marrë drejtimin e Luganos. Pas pesë vjetësh si ndihmësi i De Biazit ai largohet nga vendi ynë për të drejtuar i vetëm jë skuadër.
Mësohet se ai nuk ka marrë rrogën e dhjetorit nga ana e Federatës, pasi si kusht i Kontratës fillestare ka qenë qëndrimi i tij fizik në vendin tonë. Përfqaësuesit e Federatës nuk kanë rënë dakord që ai të merrte as gjysmën e rrogës 10 mijë euroshe që paguhej në muaj.
Në njëfarë mënyre kjo ka qenë dhe ‘’gjoba’’ që Federata Shqiptare ka vendosur për teknikun duke qenë se zgjidhja e kontratës është bërë në mënyrë të njëanshme, pa përfunduar aftet kohore.
Ndërkohë që vetë tekniku është shprehur shumë i prekur për këtë largim.
“Ishte eksperienca e punës më e bukur dhe më e rëndësishme e jetës time, besoj se nëse sot arrita të vendosem në këtë situatë të favorshme, është pikërisht pasi pranë tij kam mësuar shumë, kam patur mundësinë për t’u rritur dhe për t’u përballur me gjërat, do të ruaj gjithnjë atë që më dha në aspektin futbollistik, në këndvështrimin e ndjenjave dhe miqësia, dhe mbi të gjitha në këndvështrimin e raportit që kemi patur pasi mund të them që deri në këtë moment është personi më i rëndësishëm që kam gjetur në botën e futbollit.
Më keni mësuar se çfarë do të thotë të vuash në jetë, më mësuat se çfarë do të thotë të jesh krenar për atë që bën. Më bëtë të ndihem njëri prej jush. Kam marrë shumë më tepër se ajo që kam dhënë në këtë aspekt. Iki me kënaqësinë se kam kontribuar për të bërë të lumtur një popull të tërë, i cili meritonte t’i përjetonte emocionet që i dha skuadra.
Jam mirënjohës që kam mundur të përjetoj 5 vjet këtë eksperiencë në këtë vend dhe të njoh direkt këtë popull që më parë nuk e njihja. Do t’i mbaj me vete këto ndjenja dhe kjo është një lidhje që do të zgjasë gjithë jetën”, u shpreh Tramezzani. (E.K/SHUPLAKA)
Discussion about this post