Presidenti Ilir Meta deklaron se ka për qëllim të blindojë marrëveshjen e detit që Shqipëria do të firmosë me Greqinë, duke besuar se do të jetrë në interes të dy vendeve.
Presidenti tregoi sot në “Studio e Hapur” në “News 24” ato çka ka biseduar me ministrin Ditmir Bushati para se ky i fundit të takohej me homologun grek në Korçë, Nikos Kotzias.
Zoti Presidenti ju keni folur për mungesë transparence për negociatat, por e keni takuar 3 herë ministrin e Jashtëm Ditmir Bushatin, besoj për këtë keni folur…Pse pretendoni që s’ka pasur transparencë?
“Ju s’keni pse gjykoni qëndrimet e mia…Bushatin e kam takuar as 20 minuta, para se të shkonte në Korçë, i është i uruar suksese për çështjet që do bisedojë. Ia kam bërë të qartë se në marrëdhëniet me Greqinë do i jepja prioritet komunikimit zyrtar. Kemi me ta disa çështje që kërkojnë komunikim të përgjegjshëm dhe do vazhdoj ta kërkoj edhe në të ardhmen. Shpresoj që të gjitha çështjet të zgjidhen secili institucion të përmbushë përgjegjësitë e tij. (B.H/Faxweb)
Discussion about this post