”Prapë të ndarë”, Kryemadhi shmang përgjigjen: 29 Nëntori, dita kur na tregon që numrat s’janë të rëndësishme

Kryetarja e LSI-së Monika Kryemadhi, e shoqëruar sot nga Grupi Parlamentar kanë kryer homazhe në ‘’Varrezat e Dëshmorëve”. Kryemadhi ka preferuar që të mos jetë pjesë e homazheve kryer nga Presidenti Ilir Meta dhe kryeministri Edi Rama.

Në fjalën e saj ajo u shpreh se lufta për Çlirimin e Shqipërisë ka treguar se nuk janë të rëndësishme numrat për të fituar betejën. E pyetur nga gazetarët në lidhje me festimet e ndara Kryemadhi nuk preferoi të jepte asnjë përgjigje.

‘’Unë nuk doja të thoja që jemi të ndarë, po do thoja që 29 nëntori është një ditë e shënuar në historinë e shtetit shqiptar. E them me bindje që dhe historia e Botës dhe historia jonë e re na tregon se vullneti dhe motivimi të bëjnë të ecësh përpara”, u shpreh mes të tjerash Kryemadhi.

(E.K/Faxweb)