Prokuroria ka kërkuar së fundmi ndërprerjen e mandatit për deputetin socialist Armando Prenga, lidhur me deklarimet që ai ka bërë në formularin e dekriminalizimit.
Është konkluduar se një deputet i Kuvendit të Shqipërisë është në kushtet e ndalimit të ushtrimit të funksionit, në bazë të ligjit per “Verifikimin e Integritetit të personave që zgjidhen, emërohen ose ushtrojnë funksione publike” ose te njohur ndryshe si Ligji i “Për Dekriminalizimin”.
Bëhet fjalë për dy precedent penalë të Prengës, që e shtynë Prokurorinë e Përgjithshme të kërkojë ndërprerjen e mandatit pas konstatimit nga ana e sektorit të “Dekriminalizimit” për mosdeklarime.
Precedenti penal i parë është “Një dënim të formës së prerë, dhënë nga Gjykata e Rrethit Gjyqësor Kurbin, për veprën penale të “Falsifikimit të dokumenteve”, me 450 000 lekë gjobë”.
Nga komunikimi zyrtar me autoritetet italiane, rezulton një precedent penal i dytë: “Ai rezulton me precedentë penale në shtetin italian për vjedhje pasurish, falsifikime në përgjithësi, marrje të pasurisë së vjedhur, deklarata për identitet të rremë në vitet 1996-1997 në qytetin e Milanos.”
(XH.A/SHUPLAKA)
