Prefekti i Vlorës i ka çuditur të gjithë me një dalje të tij ku ndodhet me disa banorë të fshatrave në jug të vendit me të cilët thotë se po diskuton për luftën anti-kanabis.
Në tavolinën ku janë ulur disa burra, dallohet se si prefekti me shumë gjasë në shoqërinë edhe të përfaqësuesve të policisë, mbizotërojnë shishet e birrës, nën hijen e një peme qajnë hallet se si ti punojnë zboruin hashashit.
Nuk dihet se sa serioz ka qenë muhabeti që kanë bërë zotërinjtë, ndërsa foto e mëposhtme nuk është edhe aq bindëse. Nuk ka ndodhur shpesh që një zyrtar i një niveli të tillë, në orarin e punës, duke folur për punë dhe të një rëndësie aq shqetësuese në vendin tonë, të flitet rreth një tavoline të tillë, që në fakt ngjan mjaft e hijshme për një gëzim familjar apo miqësor.
“Në kuadër të luftës Antikanabis, Prefekti i Qarkut Vlorë ndërmori një operacion inspektimi, kontrolli dhe verifikimi në terren në fshatrat Lefterhor, Kakodhiq e Varfaj, pjesë e bashkisë Delvinë, të konsideruara këto si zona me potencial risku të lartë për kultivimin e kanabis. Prefekti u takua Kryetarët e fshatrave dhe banorë të zonës, të cilët ofrojnë kontributin e tyre në këtë luftë të përbashkët, por u diskutuan edhe zgjidhjet për një infrastrukturë më të mirë rrugore si dhe furnizimin me ujë të pijshëm”, bën me dije prefekti.
(F.GJ/FAXWEB.AL)
