Në pikat e kalimit kufitar të Shqipërisë, prej 1 Qershorit do të zbatohet Kod i ri Doganor. Por me gjithë ndryshimet e kodit të vitit 1999, ende ka probleme që mbeten të pazgjidhura.
Përfaqësuesit e prodhuesve shqiptarë ngritën dy prej problemeve më thelbësore si Orari i papërshtatshëm i doganave për import-eksportin e mallrave dhe pagesat për kontrollin në skaner.
“Nuk kemi një vend që shkojmë në orën 10:00 në doganë dhe na thonë do kaloni nesër. Në Ballkan nuk ka, në Itali nuk ka, në vende të tjera nuk ka. Në cdo orë që të shkosh do kalosh. Nuk bëhet kontrolli me kontenierë, por bëhet me deklarata doganore. Pra kostot për ndërmarjet e fasonit u rritën shumë.”, është shprehur një përfaqësues i prodhuesve shqiptarë, përcjell “OraNeës”.
Ata kanë paraqitur edhe një draft në Ministrinë e Financave për ndërhyrje në kodin doganor.
Shqetësimeve të tyre, nëndrejtoresha e Përgjithshme e Doganave, Mirela Meka, u është përgjigjur kështu:
“Që në momentin që filluam punë t’i hartonim këto dispozita, herë pas here i kemi publikuar në faqen tonë web për të marrë komentet e tyre. Nuk kemi marrë asnjë lloj komenti. Ne operojmë edhe në varësi të orareve që kanë doganat homoleg sepse nëse ato nuk punojnë edhe ne nuk kemi se çfarë veprimi të kryejmë. Ndërsa sa i takon skanimit dihet që është një marrëveshje koncesionare i miratuar me ligj nga Parlamenti dhe Drejtoria e Përgjithshme e Doganave për të gjithë ju është institucion ligjzbatues.”
(XH.A/SHUPLAKA)
Discussion about this post