Prej tri ditësh rezultonte e humbur për familjarët një 12-vjeçare nga Tirana. Zhdukja e saj kishte vënë në alarm Policinë e Tiranës e cila dyshoi për rrëmbimin apo ndonjë krim më të rëndë që mund të kishte ndodhur. E ëma e saj ka bërë denoncimin në polici për largimin e saj nga shtëpia, duke ju drejtuar kështu për ndihmë Komisariatit nr.3.
Policia është vënë menjëherë në lëvizje, duke verifikuar të gjitha të dhënat ku i ka orientuar nëna e së miturës e më në fund ka arritur ta gjejë atë në një hotel në Durrës. Sipas policisë vajza është gjetur nën shoqërinë e një studenti, 10 vjet më të madh se ajo, të cilin pretendonte se e kishte të dashur. Të dy janë shoqëruar në Polici, për të dhënë shpjegime për largimin dhe çfarë kishte ndodhur gjatë kohës që vajza nuk ka qenë në shtëpi, shkruan një portal online.
Dëshmia:
Pa qenë në dijeni të sanksioneve që parashikon ligji, edhe për shkak të moshës së mitur, 12-vjeçarja Fjona D. ka rrëfyer në prezencën e psikologes se kishte kryer marrëdhënie seksuale me të dashurin e saj 22-vjeç. Menjëherë pas kësaj dëshmie, një oficere e Policisë ka shoqëruar të miturën në Institutin e Mjekësisë Ligjore, ku është konfirmuar se vajza ishte e defloruar, pra kishte kryer marrëdhënie seksuale. Në këtë moment është marrë vendimi që i dashuri i saj, Alban Gjana, të arrestohet me akuzën “marrëdhënie seksuale ose homoseksuale me të mitur”. Në momentin që ka mësuar se i dashuri i saj do të arrestohej, 12- vjeçarja ka nisur të qajë e t’i lutet oficeres së Policisë që të anulojë arrestimin, pasi ajo nuk donte ta denonconte. Megjithatë ai është arrestuar. (J.V/Shuplaka)
