Prej tri javësh të izoluara nga bora 1.5 metra, familjet në Bulqizë apel për ndihmë: Kemi të sëmurë në shtëpi

Pavarësisht rritjes së lehtë të temperaturave, situata prej reshjeve të dëborës paraqitet kritike në zonat e thella në vend.

I tillë është edhe fshati Gjinavec i Bulqizës, që vijon të ndodhet nën sundimin e dëborës. Dy familje të këtij fshati kanë bërë thirrje për ndihma emergjente.

Në apelin e tyre drejtuar subjekteve përgjegjëse, ato shprehen se ndodhen të bllokuar në shtëpi prej tri javësh, ndërkohë që bora ka arritur në trashësinë 1.5 metra.

“Na ka mbaruar ushqimi. Kemi të sëmurë në shtëpi. Kemi nevojë për ndihmë.”, mësohet të jenë shprehur ndër të tjera ata. (XH.A/SHUPLAKA)