Emisioni investigativ “Ajsberg” i moderatorit Artur Çani ka sjellë sot në vëmendje premtimet elektorale të kandidatit të at’hershëm për kryetar bashkie në Tiranë, Erion Veliaj, i cili ka deklaruar publikisht se do të vendoste moratorium për ndërtimet në Tiranë.
Në kronikat e risjella në vemendjen e publikut janë deklaratat e kryebashkiakut të sotëm të Tiranës ku në një emision televiziv, e përsërit disa herë se nuk do të lejonte ndërtime të reja në kryeqytet, duke argumentuar se edhe ato hapsira të betonizuara sipas tij nga paraardhësi, Lulzim Basha do t’i kthente në hapësira të gjelbra.
Por ajo çfarë rezulton në të vërtetë është se jo vetëm që ndërtimet janë lejuar, por gradaçelat shumë katëshe kanë nisur të ngrihen përreth qendrës së metropolit shqiptar.
Me anë të një vëzhgimi të bërë nga gazetari Armir Shkurti, konstatohet se në faqen zyrtare të bashkisë së Tiranës është fshirë plani urbanistik i kryeqytetit, plan i cili tregon Tiranën e vitit 2030 që është prezantuar me shumë bujë nga Veliaj dhe Rama.
Por pavarësisht kësaj, duke ndjekur metoda të tjera për vështrimin e atij plani, rezulton se në të nuk mjanë parashikuar kullat shumë katëshe që po ndërtohen përreth qendrës së kryeqytetit. Mbase kjo është edhe arsyeja pse ky plan është fshirë nga faqja zyrtare e Bashkisë, pasi ai nuk korrespondon në të vërtetë me atë që qytetarët prekin dhe shohin çdo ditë.
https://www.facebook.com/faxweb.al/videos/2235555006761619/
(F.GJ/FAXWEB.AL)
Discussion about this post