Presidenti i zgjedhur Ilir Meta, gjatë takimit të sotëm elektoral në Gjirokastër, dejklaroi se të gjithë ata që Rilindja i ka hequr padrejtësisht nga punë, do t’i kthejë sërish në punë pas datës 25-qershor, kur LSI të fitojë zgjedhjet.
“Sepse fuqia dhe madhështia e LSI, qëndron te respekti, kujdesi dhe dashuria për njerëzit. Ndërsa fuqia mashtruese e Rilindjes, qëndron te arrogance që vjen nga pushteti dhe përbuzja e njerëzve të thjeshtë. Rinia e Gjirokastrës dhe gjithë Shqipërisë e ka marrë vendimin.
Jam i sigurt se Gjorakastra do njohë vetëm projekte, integrimi dhe punësimi për të rinjtë e të rejat, e di që në këtë shesh mungojnë shumë gjirokastritë e gjirokastrite, do donin të vinin këtu, por kanë frikë se nesër Rilindja i heq nga puna.
Kjo është Rilindja e pseudo-socialistëve, që erdhën me lugë në brez, mendjen te tepsia, është fotokopja e Berishës së parë fare. Jam i bindur që këtë poshtërim, do ta paguajnë me votën e 25 qershorit, ashtu sikurse të gjithë ata që janë hequr padrejtëissht do të rikthehen me 25 qershor.”, ishin fjalët e Metës.
Sakaq ai përsëriti deklaratat e tij për Lazaratin dhe kanabisin, të cilat i përmendi edhe në mitingun te sheshi “Nënë Tereza”.
“Kush më shumë se Gjirokastra e ka provuar hipokrizinë e Rilindjes në këto 4 vite. A nuk ishin ata që nisën të bënin operacionin kundër kanabisit në Lazarat, por nuk u bë për të shkulur drogën por të mashtruar shqiptarët dhe botën dhe për të mbushur të gjithë Shqipërinë me drogë. Demokracia është votë e lirë. Si mundet që një parti historike bën referendum që të ndalojë zgjedhjet e brendshme në partinë e vet. Ku ndodh kjo? Fuqia mashtruese e Rilindjes qëndron tek arroganca që vjen ndaj njerëzve të thjeshtë,” tha Meta. (D.D/Shuplaka)
