Premtoi se do ti përjashtonte “pashallarët”, njihuni me kryetarin që kandidoi Rama për herë të 5-të

Në 2014, u miratua një ligj që nuk u lejon kryetarëve të bashkive më shumë se 3 mandate, nuk dihet nëse partitë do ta respektojnë. Në vijim është një përmbledhje që ju njeh me kryebashkiakët që kanë qeverisur për 12 vite, duke nisur me Qazim Sejdinin e Elbasanit, apo me Vangjush Dakon në Durrës.

Qazim Sejdini  kishte dhënë sinjale të forta që nuk do të kandidonte më për Bashkinë e Elbasanit ndërsa ky fakt është bërë I ditur para disa ditësh ku u prezantua zyrtarisht si kandidat Gledion Llatja.

Në zgjedhjet e  vitit 2007, Sejdini  do të fitonte përballë deputetit Luçiano Boçi dhe më pas do të mundte edhe dy rivalët e tjerë, në zjedhjet e 2011- tës dhe ato të 2015 -tës.

I cilësuar si njëriu më me influencë në qytetin e Elbasanit, Sejdini është akuzar nga opozita për lidhje me bandat e këtij qyteti ndërsa të afërmit e tij, janë lakuar në një sërë çështjes për afera koruptive.

PAS 12 Vitesh, 68-vjeçari që ka qeverisur Elbasanin me dorë të hekurt, po përgatitet për të dalë në pension.

Vangjush  Dako

Në vitin 2007, aso kohe një biznesmen, Vangjush Dako do të fitonte me një diferencë prej vetëm 308 votash, ndaj rivalit demokrat, Armand Teliti.  Por në vitin 2011, pasi kishte drejtuar bashkinë e Durrësit për katër vite, ai e kishte rritur dukshëm influencën e tij, duke dhjetefishuar votat përballë kandidatit të kampit blu.  Ai siguroi mandatin e tretë në zgjedhjet e 2015, duke mundur me 13 mijë vota, kandidaten e demokrateve, Grida Dumën.

Fitoret e tij dhe influenca gjithmonë në rritje, janë vënë në pikëpyetje, pas përgjimeve të publikuara në muajt e fundit,  të cilat e impikojnë Dakon për lidhje me bandën  Avdylaj dhe dyshime të forta se këto lidhje,  kanë shërbyer për ti siguruar atij, votat e triumfit.

Dako nuk e ka fshehur ambicien për mandatin e katërt, por është shprehur se vendimi do të merret, nga forumet e Partisë.

i vetëshpallur një superman, fati i tij më shumë sesa në dorën e partisë është vendosur sot me dorën e Edi Ramës i cili kandidoi në Durrës drejtoreshën Rajonale të Tatimeve Valbona Sakon.

Rekord në listën e pashallarëve mban kryebashkiaku i Maliqit, Gëzim Topçiu.  Nën siglën e Partisë Socialiste, ai ka drejtuar këtë bashki prej viti  2000 duke qëndruar në pushtet prej gati 19 vitesh dhe duke gëzuar mandatin e tij të pestë.

Ajo çfarë u propozua nga Partia Socialiste se kryebashkiakët që ksihin bërë tre mandate në këtë funksion nuk do të kandidoheshin, u hodh poshtë sot po nga vetë Partia Sociliste me rikandidimin e Topçiut.