“Prerja e pemëve më rrezikon banesën”, qytetari denoncon Bashkinë: Jam ankuar kudo, por askush nuk reagon (VIDEO)

Një qytetar ka denoncuar bashkinë Lezhë pasi prerja e pemëve i rrezikohet shembja e banesës.

Gjon Dodaj e ka denoncuar rastin edhe në FaxNews i revoltuar ndaj këtij skandali, shprehet se ka bërë denoncimin edhe në institucionet përkatëse, por deri më tani askush nuk ka reaguar.

Gjithashtu, qytetari thekson se zotëron të gjithë dokumentat e plota që prej 28 vitesh që është banorë i shtëpisë. Sipas Dodajt, deri më tani janë 36 pemë dhe i rrezikohet banesa.

“Heqja e murit mbrojtës, prerja e pemëve dhe rrëshitjet e dheut, rrezikohet shtëpia ime. Kërkojmë urgjente ndihmën tuaj.” 

Kryefamiljari shprehet se pas policisë bashkiake fshihet edhe një person tjetër, prandaj e gjithë çështja mbetet enigmë, duke e çuar deri në gjykatë.

“Jam ankuar në Bashki, në prefekturë, në polici dhe prokurori. Tani vetëm gjykata e zgjidh. Kam dokumentacion që është ndërhyrë në pronë private.

Më rrezikohet banesa, unë e kam denoncuar edhe në institucionet përkatëse. Mos-reagimi i Bashkisë mbetet enigmatik.”

Gjon Dodaj, ka të gjithë dokumentacionin përkatës drejtuar Bashkisë, Prokurorisë. Gjithashtu, Dodaj pretendon se i është cënuar prona e tij, dhe se zotëron të gjithë dokumentat e plota të banesës.